សេវាកម្មនិយាយមើលមុខគ្នាឃើញពីចម្ងាយ Skype ថ្ងៃនេះ ត្រូវបានក្រុមហ៊ុន Microsoft បញ្ចូលមុខងារបកប្រែដ៏ពិសេស អាចឱ្យអ្នកប្រើធ្វើការសន្ទនាគ្នាបានដោយមិនខ្វល់ពីជនជាតិខុសគ្នា ប្រើភាសាខុសគ្នានោះឡើយ ព្រោះមុខងារនេះ នឹងបកប្រែភាសារបស់ភាគីម្ខាងទៀតមកជាភាសាដែលខ្លួនអាចស្ដាប់បាន ដើម្បីឆ្លើយតបវិញបាន។ មុខងារនេះ ត្រូវបាន Microsoft ធ្វើបទបង្ហាញតាំងពីខែឧសភាកន្លងទៅ ចំណែកពេលនេះ យើងអាចប្រើមុខងារ Translator ជំនាន់សាកល្បង (Preview) ដែលដំណើរការនៅលើ Windows 8.1 និង Windows 10 បានហើយ។
យ៉ាងណា នៅដំណាក់កាលអភិវឌ្ឍសម្រេចបានជំហានដំបូងនេះ មុខងារ Skype Translator អាចប្រើបានតែរវាងពីរភាសាសិនប៉ុណ្ណោះ គឺភាសាអង់គ្លេស និងអេស្ប៉ាញ។ ចំពោះការប្រើប្រាស់ គឺមានលក្ខណៈងាយស្រួល ដោយភាគីសន្ទនាទាំងសងខាង ពុំចាំបាច់ចេះភាសាដូចគ្នា តែក៏អាចស្ដាប់យល់ ហើយអាចឆ្លើយឆ្លងទៅដៃគូ តាមរយៈមុខងារ Translator ជាអ្នកបកប្រែ។
ដើម្បីប្រើប្រាស់មុខងារ Skype Translator អ្នកគ្រាន់តែជ្រើសរើស friend រួចបើកមុខងារ Translator និងជ្រើសរើសភាសាជាការស្រេច។ យ៉ាងណា ដោយសារមុខងារនេះត្រូវប្រតិបត្តិការងារដោយយកភាសារបស់ភាគីទៅបកប្រែ រួចទើបផ្ញើទៅកាន់អ្នក ដូច្នេះវាអាចចំណាយមួយខណៈពេលខ្លីមួយ។ សូមទស្សនាវីដេអូបង្ហាញពីការប្រើប្រាស់មុខងារ Skype Translator ខាងក្រោម៖
Post a Comment
Note: Only a member of this blog may post a comment.