លើកដំបូងលើពិភពលោក ពួកវេជ្ជបណ្ឌិតនៅមន្ទីរពេទ្យ St Vincent អូស្ត្រាលី បានផ្សាំភ្ជាប់ជោគជ័យបេះដូងមួយ បានស្លាប់ទៅក្នុងសរីរាង្គរបស់អ្នកជំងឺម្នាក់។
ដោយប្រើប្រាស់វិធានការថែទាំថ្មីមួយ ត្រូវបានស្រាវជ្រាវ និងអភិវឌ្ឍន៍ដោយវិទ្យាស្ថានស្រាវជ្រាវ Victor Chang Cardiac សហការជាមួយមន្ទីរពេទ្យ St Vincent ។ ជាមួយនឹងបច្ចេកវិទ្យាថ្មីនេះ ពួកវេជ្ជបណ្ឌិតអាចផ្សាំភ្ជាប់បេះដូងបានឈប់លោតពីប៉ុន្មាននាទីដល់ជាងកន្លះម៉ោង។
ប្រព័ន្ធថែទាំបេះដូង Organ Care
សាស្ត្រាចារ្យ Bob Graham នាយកប្រតិបត្តិរបស់វិទ្យាស្ថានស្រាវជ្រាវបេះដូង Victor Chang ឲ្យដឹងថា៖ "ពេលសរីរាង្គបានស្លាប់ បេះដូងសន្សឹមៗបាត់បង់អុកស៊ីហ្សែនក្នុងប្រមាណ ២០-៣០នាទី បង្កការខូចខាតធំឲ្យជាលិកាកោសិកាខាងក្នុង។ អាស្រ័យហេតុនេះ មុននេះ គេនៅតែវាយតម្លៃបេះដូងជាផ្នែកមួយក្នុងចំណោមផ្នែកពិបាកផ្សាំភ្ជាប់ និងពិបាកថែទាំបំផុត។ ប៉ុន្តែជាមួយនឹងប្រព័ន្ធ Organ Care បេះដូងឥឡូវនេះ អាចថែទាំក្នុងបរិស្ថានសិប្បនិម្មិតដ៏ល្អប្រសើរបំផុត។ នេះជាប្រព័ន្ធតូចល្មមមួយ អាស្រ័យហេតុនេះ អាចនាំទៅកាន់មន្ទីរពេទ្យណាមួយនៅអូស្ត្រាលីក៏បាន"។
ប្រព័ន្ធ Organ Care អនុញ្ញាតឲ្យបង្កើតជាថ្មីបរិស្ថានរបស់សរីរាង្គដ៏ល្អឥតខ្ចោះ ពីសីតុណ្ហភាព កម្រិតសំណើម បង្កើតក្លែងក្លាយសញ្ញាពីខួរក្បាល រួមជាមួយនឹងសារជាតិគីមីពិសេសមួយចំនួន ត្រូវបានចាក់ទៅក្នុងបេះដូង។ តាមរយៈនោះ បេះដូងនៅតែបន្តសកម្មភាព និងលោតដោយធម្មតាក្នុងបរិស្ថានថែទាំសិប្បនិម្មិត។ អាស្រ័យហេតុនោះ ដែលវេជ្ជបណ្ឌិតអាចថែទាំដល់ជាង ៣០ នាទី ដើម្បីរង់ចាំដឹកជញ្ជូនទៅកាន់មន្ទីរពេទ្យផ្សេងៗមានអ្នកជំងឺកំពុងរង់ចាំផ្សាំភ្ជាប់។
បច្ចេកវិទ្យាថ្មីនេះ ជាសមិទ្ធផលរបស់ការស្រាវជ្រាវជាង ២០ឆ្នាំ។ មកទល់បច្ចុប្បន្ន មន្ទីរពេទ្យ St Vincent បានផ្សាំភ្ជាប់ជោគជ័យ ៣ករណីផ្សាំភ្ជាប់បេះដូងដោយបច្ចេកវិទ្យាថ្មីនេះ និងសង្ឃឹមថា វានឹងឆាប់ត្រូវបានអនុវត្តលើទូទាំងពិភពលោក។ តាមវិទ្យាស្ថានស្រាវជ្រាវ Victor Chang Cardiac ជំហានលោតផ្លោះអំពីវេជ្ជសាស្ត្រនេះ នឹងធ្វើឲ្យកើនចំនួនករណីផ្សាភ្ជាប់បេះដូងជោគជ័យឡើងជាង ៣០% ផ្តល់ក្តីសង្ឃឹមថ្មី សម្រាប់អ្នកជំងឺ៕H/N
Post a Comment
Note: Only a member of this blog may post a comment.