ទឹកដោះម្តាយផ្តល់នូវសារប្រយោជន៍ ដ៏ធំសម្បើមសម្រាប់ទារកមិនគ្រប់ខែ និងទារកទម្ងន់ស្រាលតាមរយៈចលនាការនៃការជញ្ជក់ ហើយទឹកដោះម្តាយផ្តល់នូវសារធាតុ ខ្លាញ់ សាច់ ស្ករ និងពពួកអង្គបដិបក្ខប្រាណ (Antibo-dies) សម្រាប់ការលូតលាស់ និងការពារសារពាង្គកាយដ៏ច្រើនសន្ធឹកសន្ធាប់ ។
ការសិក្សាបានបង្ហាញថា ការបំបៅដោយទឹកដោះម្តាយជំរុញការ ជញ្ជក់បានខ្លាំងក្លាជាងការបំបៅដោយដប ។ ការស្រាវជ្រាវក៏បានបង្ហាញថា ការចិញ្ចឹម និងថែទាំដោយទឹកដោះម្តាយ បានបន្ថយនូវជំងឺរលាកពោះវៀន (Necrotizing enterocolitis) ដែលជាមូលហេតុចម្បងនៃការស្លាប់របស់ទារក ។ ក្នុងបរិមាណ ១០០ មិល្លីលីត្រ នៃទឹកដោះម្តាយផ្តល់បានថាមពលចំនួន ៧៤ គីឡូកាឡូរី ជាតិសាច់ ២,៣ ក្រាម ខ្លាញ់៣,៤២ ក្រាម និងបណ្តាវីតាមីន ដ៏ទៃទៀតសម្រាប់ការលូតលាស់ដ៏ប្រសើរ ។
៙ ឧបសគ្គនៃការបំបៅកូនដោយទឹកដោះម្តាយ ៖
ប៉ុន្តែទោះបីជាយ៉ាងណាក៏ដោយចុះមានឧបសគ្គជាច្រើនបានបង្ក ជាការលំបាកដល់ការចិញ្ចឹមកូនដោយទឹកដោះម្តាយនេះ ។ គេប៉ាន់ប្រមាណថា ១/៣ នៃម្តាយដែលសម្រាលកូនមិនគ្រប់ខែ មានជំងឺភាពតានតឹងអារម្មណ៍ (Stress) ។ ជំងឺនេះបានរំខានដល់ការបំពេញតួនាទីជាម្តាយ ក្នុងការផ្តល់អាហារដ៏ប្រសើរនេះដល់ទារកដែលងាយរងគ្រោះ ។
ការមិនបំបៅដោយទឹកដោះ ម្តាយបានបាត់បង់នូវរេផ្លិចដ៏សំខាន់ គឺជញ្ជក់ លេប ដកដង្ហើម Deglutition Respiration Succion ។ ម្យ៉ាងទៀតនោះការមិនបំបៅដោះបានបាត់បង់នូវ ការស្រឡាញ់ថ្នាក់ថ្នម ម្តាយ-កូន (Psychological Baby mother) ដែលជាកត្តាឆ្លាតវៃរបស់កុមារ ។
យុទ្ធសាស្ត្រចម្បងដែលធ្វើ ឲ្យការបំបៅទារកដោយទឹកដោះម្តាយទទួលបានជោគជ័យ ដោយពិចារណាទៅលើសារសំខាន់ នៃការបំបៅកូនដោយទឹកដោះម្តាយ បែបនេះវាតម្រូវឲ្យមានយុទ្ធនាការចាំបាច់ជាច្រើន ។ កត្តាដ៏សំខាន់មួយនោះ គឺផ្តល់ព័ត៌មាន និងការចូលរួមដ៏សកម្មរបស់បុគ្គលិកសុខាភិបាល និងម្តាយគ្រប់រូប ។ ចាំបាច់ដែរនោះ គេគួរតែប្រែក្លាយមន្ទីរសម្ភពទាំងឡាយ ឲ្យទៅជាមន្ទីរពេទ្យស្រឡាញ់ទារក ( Baby Friendly Hospital) ។ ទន្ទឹមនោះគេត្រូវ អនុវត្តឲ្យមានប្រសិទ្ធភាពនូវអនុក្រឹត ស្តីពីការផ្សព្វផ្សាយលក់ផលិតផល សម្រាប់ចិញ្ចឹមទារក និងកុមារ ។
ជារួមដើម្បីទទួលបានជោគជ័យក្នុងការបំបៅដោយ ទឹកដោះម្តាយ ចំពោះទារកដែលសម្រាលមិនគ្រប់ខែ វាពុំមែនជាបញ្ហាសាមញ្ញទេ វាទាមទារនូវការយល់ដឹង និងការចូលរួមគ្រប់ ផ្នែកពីម្តាយគ្រូពេទ្យឯកទេសទារក យ៉ាងសកម្ម ។ អ្វីដែលយើងត្រូវចងចាំនោះ ការបំបៅដោយទឹកដោះម្តាយ មានសារសំខាន់ក្នុងវិស័យសុខភាពសាធារណៈ កាត់បន្ថយភាពក្រីក្រ បន្ថយអត្រាឈឺ និងអត្រា មរណៈរបស់ទារក និងកុមារអាយុក្រោម ៥ ឆ្នាំ ។
Post a Comment
Note: Only a member of this blog may post a comment.