មុខងារ Apple Pay ដែលត្រូវបានប្រកាសតាំងពីខែកញ្ញា កន្លងទៅនេះ អាចដំណើរការបានអាស្រ័យដោយមានឈីប NFC ដែលក្រុមហ៊ុនទើបតែបានបំពាក់នៅលើ iPhone 6 និង iPhone 6 Plus។ ចំណែក iPad ជំនាន់ថ្មីដែលទើបសម្ពោធចេញម្សិលមិញនេះ គឺមិនមានបច្ចេកវិទ្យា NFC នោះទេ។ ទោះជាយ៉ាងណា នៅមានដំណឹងល្អសម្រាប់ម្ចាស់ iPad Air 2 និង iPad mini 3 គឺនៅតែអាចប្រើមុខងារបង់ប្រាក់នេះនៅតាមបណ្ដាហាងលក់ទំនិញនានាបានជាលក្ខណៈអនឡាញ ដោយត្រូវដំឡើងកម្មវិធី (app) មួយផ្សេងៗមួយចំនួននៅលើ App Store។
... Apple ចេញប្រព័ន្ធប្រតិបត្តិការ iOS 8.1, Yosemite v10.10 និងមុខងារបង់ប្រាក់តាមទូរស័ព្ទ Apple Pay ...
Apple Pay នឹងចេញឱ្យទាញយក (Download) ប្រើបាននៅលើប្រព័ន្ធប្រតិបត្តិការ iOS 8.1 នៅថ្ងៃច័ន្ទសប្ដាហ៍ក្រោយ (ថ្ងៃទី២០ តុលា)។ មុខងារពិសេសនេះ នឹងអាចឱ្យគេ ប្រើ iPhone 6 និង iPhone 6 Plus ដាក់ស្កេនចំពីមុខម៉ាស៊ីនទូទាត់ប្រាក់ (Checkout Terminal) ក្នុងហាងទំនិញនានា ហើយត្រូវគេរំពឹងថា នឹងជាការបោះជំហានដ៏ធំមួយជំរុញដល់ការបដិវត្តន៍នៃវិធីបង់ប្រាក់ចល័តនេះ។
ថ្វីត្បិតម្ចាស់ iPad មិនអាចភ្ជាប់ទៅកាន់ម៉ាស៊ីនទូទាត់ប្រាក់ក្នុងហាង ប៉ុន្តែបណ្ដាហាងលក់ទំនិញនឹងមានកម្មវិធីថ្មី (app) ដើម្បីផ្ដល់ការគាំទ្រប្រើប្រាស់បានជាលក្ខណៈអនឡាញ។ យោងតាមក្រុមហ៊ុន Apple ឱ្យដឹងថា អ្នកប្រើនឹងអាចទិញទំនិញតាមកម្មវិធីបាន ដោយគ្រាន់តែចុចលើប៊ូតុង “Pay” ហើយដាក់ម្រាមដៃស្កេនលើប៊ូតុង Home ដើម្បីបញ្ជាក់អត្តសញ្ញាណជាការស្រេច។ មុខងារនេះ Apple Pay ពិសេសនេះ នឹងដំណើរការបានជាមួយប្រភេទកាតដូចជា Visa, MasterCard និង AMEX ដែលគាំទ្រដោយបណ្ដាធនាគារប្រមាណជាង ៥០០ធនាគារ៕
ទស្សនាវីដេអូ ការប្រើមុខងារ Apply Pay នៅលើ iPad៖
ទស្សនាវីដេអូ ការប្រើមុខងារ Apple Pay នៅលើ iPhone 6៖
Post a Comment
Note: Only a member of this blog may post a comment.